لا تزرع ورد بتراب الأيام
غدار الزمن ووروده ذبلانه
ولا تعشك أخدود البيه ألوان
مو كل الخدود الحمر خجلانه
مرات السنابل تنحي للكاع
مو مسكينة لكن هيه ريانه
ومرات السنابل تعله فوك الهام
مو هيبه العلو تلكاهه فرغانه
أو لاتسكي الزرع من ماي جاسه الغير
يجيب الماي كلما لكت كيعانه
وليغرك شجر لابس خضار الكون
هذاك التوث منه الغنم شبعانه
والبرحي عزيز واغلى مامــــوجود
وجذوعه من الخَضار سنين عريانه
وَلَك
ياكلب التــــــــحب بالك تحب اغراب
ينساك العشك لو عنت اوطانه
وانه أول سجــين الشافة العين
ما يطلب إفراج أو يحب سجانه
وانه اول سجين ارسومه تحجي وياه
لذلك مو عجب عاشكته حيطانه
وانه اول سجين اهمومه تبقى وياه
شما مر الزمن تلكاهه كبرانه
ولك ياخد الخجل جم دوب
من صفع الليالي مغيره ألوانه
وناطور الكلب متفق ويه البوك
وبعز الظهر خووهه بستانه
مرات الجمال يخون العيون
وحَدر ذيج النعومه تلكه شيطانه
وحَدر ذيج النعومه تلكه شيطانه
[ندعوك للتسجيل في المنتدى أو التعريف بنفسك لمعاينة هذا الرابط]
مبــرـروك 
.للتواصل المستمر والجهود آلرآئعة . متأملين آلابدآع المستمر لما هو مفيد للجميع ..آلآدآرة
