تتزوجيني؟
ـ نعم ؟
ـ اكلج تتزوجيني ؟
ـ ؟؟؟
ـ تتزوجيني ؟
ـ لأ
ـ ليش ؟
ـ بصراحة غير ؟ ........ شكولك معاجبتني
ـ شون يعني ؟
ـ يعني .. اني عندي مواصفات معينة لفارس أحلامي
ـ مواصفات معينة ؟ .. قابل حتتزوجين سيارة ؟
ـ لأ ! .. بصراحة بصراحة ؟ .. إنت مو فارس الاحلام اللي اب بالي
***********************************
ـ تتزوجيني ؟
ـ هاي شنو؟ شكلك اتغير
ـ شنو رأيج ؟
ـ واو .. شعرك صار ناعم ! .. هاي باروكة ؟
ـ أي
ـ وهاي عدسات خضراء ؟
ـ أي
ـ واو ! .. بس جديات .. صرت وسيم .. واو ! عينا تشبه نيكولاس كيج
ـ هذا منو عباس كيج ؟
ـ عباس ؟!! ياي .. شنو هاي عباس ؟ اسمه نيكولاس
ـ اي اي فتهمنا .. منو هذا نيكولاس ؟
ـ يعني همين متعرف الممثلين ومتشوف تلفزيزن وجاي تحاجيني؟؟ .. ياي
***********************************
ـ تتزوجيني ؟
ـ هاي لي هسه الك عين وتحجي ويايه؟
ـ (فرحان) اي .. أني عرفت منو بنكرياس كيج هذا
ـ أولاً : اسمه نيكولاس كيج
ـ اي اي .. جنت راح اكول اسمه صح.. بس اختصرته .. ممثل هذا ممثل
ـ ممثل شنو ؟
ـ ممثل أمريكاوي
ـ أمريكاوي ؟! .. اووووووووي ! .. اسمه أمريكي يا بابا .. لتصير دونكي
ـ دونكي هاي شتيمة؟
ـ أوف كورس
***********************************
ـ تتزوجيني ؟
ـ سيارتك ياموديل؟
ـ موديل هاي شتيمة ؟
***********************************
ـ تتزوجيني ؟
ـ بس كلي اول .. يا نغمة خال بالموبايل مالتك
ـ نغمة هاي شتيمة ؟
***********************************
ـ تتزوجيني؟
ـ ما كلتلي .. شتشتغل ؟
ـ أنا -بلا فخر- عاطل
ـ عاطل ؟ .. ياي
ـ مش أحسن من اللي ميشتغل ؟
ـ لا
ـ يعني مراح تتزوجيني ؟
ـ لا
ـ مو راح ازعل
ـ لاتزعل بابه.. صير فريش
ـ ماشي .. ماشي .. بس اكول رحمة الابوج
ـ شكو ؟
ـ فريش هاي شتيمة ؟
***********************************
ـ تتزوجيني ؟
ـ لكيت شغل ؟
ـ ( بفخر ) طبعًا .. سنتين دادور.. أخيرًا لكيت شغلة توب .
ـ شنو ... كول ... كول .. شنو ؟
ـ سايق تكسي
ـ ياي ! .. ومتدتستحس لمن دتكولها؟
ـ شكو بيها ؟ العمل شرف .. وكلها جم سنة واجمع مبلغ زين ونتزوووووج
ـ شرف ؟ على كولة المصريين ( جتك القرف )
***********************************
ـ تتزوجيني ؟
ـ جمعت مبلغ زين ؟
ـ طبعًا .. مبلغ محترم
ـشكد يعني ؟
ـميت ألف دينار
ـ نعم ؟!!! .. ميت الف دينار خليهم يفيدوك ... بيع لبلبي بيهم
ـ يعني موافقة ؟
ـ روح طير احسنلك
***********************************
ـ تتزوجيني ؟
ـ عندك بيت ؟
ـ طبعًا .. غرفة فوك السطح
ـ نعم ؟
ـ وين المشكلة؟! .. مو احسن مننام بالشارع ؟
ـ بالشارع ؟! .. شنو هل الفاظ التعبانة ؟ ياي ! .. يابه لازم تجيب بيت
ـ ميخالف .. كلها كم سنة واجيبلج احسن بيت
ـ وحتجيبه في المنصور لو بالمسبح ؟
ـ لا .. بحي التنك .. هيهع هيهع هيهع
***********************************
( بعد سنوات)
ـ تتزوجيني ؟
ـ جبت البيت ؟
ـ أيوة .. الحكومة دتبني بيوت للشباب وأني اخذت واحد..
يعني صح هو تأخر سبع سنين ... بس المهم اجا
ـ فانتاستيك
ـ بس الببيت ناقص شي
ـ شنو ؟
ـ مابيها حمام
ـ امشي من كدامي كبل لا اسويك تشريب ! .. مداكدر اشوفك
***********************************
ـ تتزوجيني ؟
ـ همين انتا ؟
ـ جبتلج شون حمّام ... ملوكي
ـ خليه يفيدك
ـ اي ليش ؟ .. غير جبتا النا ؟؟
- ماريده
ـ مو مشكلة .. أكتبه باسمج
***********************************
(بعد سنين)
ـ راح تتزوجيني لو احركج بالنار ؟
ـ وشبيك هيجي محروك ؟
ـ يعني تره شغلتنا كللللش طولت
ـ أوكي .. بس ميختالف تجاوبني على سؤال؟
- شنو ؟
ـ إنت ليش متمسك بيه هشكل ؟
ـ لان ..........لان
ـ لان شنو ؟
ـ لان اني احبج (بضم الحاء)
ـ احبج ؟ ؟!! .. شنو هل تخلف اللغوي ؟! .. إسمها احبج (بكسر الحاء) بعدين
صير مودرن وكول I love you
ـ ماشي .. بس اكول بس سؤال رحمة لهذاك الجد
ـ نعم ؟
ـ مودرن هاي شتيمة ؟
ويستمر الطلب
وتستمر المناقشات
مبــرـروك 
.للتواصل المستمر والجهود آلرآئعة . متأملين آلابدآع المستمر لما هو مفيد للجميع ..آلآدآرة
